ئەمشەو پێنجشەممە، نرخی نەوت زیاتر لەسەدا 5ی بەهای خۆی لەدەستداو گەیشتە نزمترین بەهای خۆی لەماوەی چوار مانگی رابردودا.
ئاوێنە: بەپێی داتاكانی بازاڕەكانی جیهان، سەعات 9ی ئەمشەو پێنجشەممە بەكاتی هەرێمی كوردستان، نرخی یەك بەرمیل نەوتی خاوی برێنت 4.38 دۆلار دابەزیوەو لەسەدا 5.4ی بەهای خۆی لەدەستداوەو بە 76.80 دۆلار مامەڵەی پێوەكراوە.
هاوكات نرخی یەك بەرمیل نەوتی تەكساس 4.27 دۆلار دابەزیوەو لەسەدا 5.5ی بەهای خۆی لەدەستداوەو بە 72.39 دۆلار مامەڵەی پێوەكراوە.
ئەوەش نزمترین ئاستی بەهای نەوتە كە لەماوەی چوار مانگی رابردودا تۆماردەكرێت.
دابەزینی نرخی نەوت پەیوەندی بە نیگەرانییەكان هەیە لەبارەی دابەزینی ئاستی خواست لەسەر نەوت لە ئاستی جیهاندا ئەوەش لەدوای دابەزینی ئامارەكان لە ئەمریكاو وڵاتانی ئاسیا بەتایبەت لە چین.