سوپای ئیسرائیل ئەمڕۆ پێنجشەممە رایگەیاند، ژمارەی ئەو کەسانەی پشتڕاستکراونەتەوە کە لە کەرتی غەززە دەستبەسەرکراون، گەیشتوەتە 224 کەس لەدوای هێرشەکانی بزوتنەوەی حەماس بۆ سەر ئیسرائیل لە 7ی ئه‌م مانگه‌دا، ده‌شڵێت، رەنگە ژمارەکە زیادبکات.
لایخۆیەوە ڕێکخراوی تەندروستی جیهانی ڕایگەیاندوە کە نزیکەی 200 بارمتەی دەستی بزوونەوەی حەماس پێویستیان بە چاودێری پزیشکی بەپەلە هەیە.
ئێوارەی دوێنێ چوارشەممە تێدرۆس ئەدهانۆم، بەڕێوەبەری گشتیی ڕێکخراوەکە ڕایگەیاند، دەبێت ڕێگە بە لیژنەی نێودەوڵەتیی خاچی سور بدرێت دەستبەجێ بگاتە ئەو کەسانەی لە ئیسرائیل ڕفێنراون.
ئاماژەی بەوەشکرد، ڕێکخراوی نەتەوە یەکگرتوەکان ئامادەیە هاوکاری خاچی سور بکات بۆ دابینکردنی چاودێری پزیشکی.