نرخی نەوت بەشێوەیەكی بەرچاو بەرزبوەوەو نرخی یەك بەرمیل نەوتی خاوی برێنت گەیشتە سەرو 90 دۆلار.
ئاوێنە: دوێنێ هەینی لەكاتی داخستنی بۆرسەكانی نەوتدا، نرخی نەوت بەشێوەیەكی بەرچاو بەرزبوەوەو یەك بەرمیل نەوتی خاوی برێنت بە 90 دۆلار و 89 سەنت مامەڵەی پێوەكرا.
هاوكات یەك بەرمیل نەوتی تەكساس بە 87 دۆلارو 69 سەنت مامەڵەی پێوەكرا.
بەپێی ئاژانسە جیهانییەكان شەڕی ئیسرائیل و حەماس هۆكاری بەرزبونەوەی نرخی نەوتە، بەوپێیەی بازرگانانی نەوت نیگەرانی ئەوەیان هەیە كە شەڕەكە بۆ وڵاتانی دیكەی ناوچەكە بگوازرێتەوە.