وتەبێژی قەسام دوا هۆشداری بە ئیسرائیل دا و دەڵێت”دیلەکان ناگوازینەوە و ئیسرائیل خۆی بەرپرسیارە”.
ئاوێنە: ئەبو عوبەیدە، وتەبێژی قەسام، لەنوێترین پەیامیدا رایگەیاند، ئیسرائیل جارێکیتر دەستیکردەوە بە تاوانەکانی و بۆردومانی ناوچەکانی غەززە دەکات، ئێمەش دوا پەیامی خۆمان بەوان دەگەیەنین و دواتر خۆیان بەرپرسیارن.
ئاماژەی بەوەشدا، لەم بۆردومانانەی ئیسرائیل ئەنجامی دەدات لە ناوچەکانی غەززە، بەشێکی زۆری دیلەکانی تێدایە و چیتر ئێمە بۆ پاراستنی گیانیان ڕێوشوێنی توندی ئەمنی ناگرینەبەر.
ڕاشیگەیاند، ئێمە بریارمانداوە چیتر ئەو دیلانە نەیانگوازینەوە لەو ناوچانە و بیانهێڵینەوە لەچوارچێوەی ڕێکاری توندی ئەمنی کە مەترسی حەقیقی لەسەر ژیانیان دروست دەکات.
لەکۆتایدا ئەبو عوبەیدە پەیامی بە ئیسرائیل دا و دەڵێت”ئەگەر دوژمن بەتەنگ گیانی دیلەکانییەوەیەتی لەسەریەتی دەستبەجێ گفتوگۆ بکات لەپێناو گواستنەوەیان یان ئازادکردنیان ، ئێمە ئاگادارمان کردنەوە و تەواو ئەوەی لەسەرمانبوو کردمان.