پاش تێپەڕبوونى کەمتر لە مانگێک بەسەر رێککەوتنەکەى نێوان سەرۆکى سوریا و فەرماندەى هێزەکانى سوریاى دیموکرات، دوێنێ هەردوو لایەن رێککەوتنێکى نوێیان دەربارەى دوو گەڕەکە کوردنشینەکەى حەلەب-ى دووەم گەورە شارى سوریا ئەنجامدا.
ئاوێنە: رێککەوتنەکە چۆن جێبەجێ دەکرێت کە لە 14 ماددە پێکهاتووە و لە ئەنجامى رێککەوتنەکەى پێشووى نێوان مەزڵوم عەبدى، فەرماندەى گشتیی هێزەکانى سوریاى دیموکرات “هەسەدە” و ئەحمەد شەرع، سەرۆکى کاتیی سوریا هاتووەتە ئاراوە.
کەناڵى ئەلعەرەبییە لە زارى بەرپرسێکى باڵاى کورد لە خۆبەڕێوەبەرى باکوور و رۆژهەڵاتى سوریاوە رایگەیاند، خشتەیەکى کاتیی دیاریکراو بۆ جێبەجێکردنى ماددەکانى رێککەوتنەکە نییە، بەڵکو پەیوەندیدارە بە خواستى ئامادەکاریی نوێ بۆ ژێرخانى ئەم رێککەوتنە بۆ ئەوەى بەشێوەیەکى ئاسان جێبەجێ بکرێت بەبێ گرفتى لاوەکى، کارکردن لەسەر جێبەجێکردنیشى لە ساتى واژووکردنیەوە و وەکو بڕیارێک هەردوولا پابەندن پێوەى.
جێبەجێکردنەوە، لەگەڵ رەچاوکردنى ئەو ماددانەى کە جێبەجێکردنیان پێویستى بە کاتى زیاتر هەیە”.
دەربارەى ئەو هێزانەش کە دەکشێنەوە بۆ رۆژهەڵاتى فورات، بەدران وتى، هێزەکانى یەکینەکانى پاراستنى گەل و یەکینەکانى پاراستنى ژنان دەگرێتەوە.
روونیشیکردەوە، “بەرپرسیارێتیی پاراستن و ئاسایشى هەردوو ناوچەى شێخ مەقسود و ئەشرەفیە لە دەستى هێزەکانى ئاسایشى ناوخۆدا دەمێنێتەوە کە ئەندامەکانى لە دانیشتووانى هەردوو ناوچە پێکدێن”.
هەروەک رەتیکردەوە هێزەکانى سەر بە دەسەڵاتى سوریا بچنە ئەو دوو گەڕەکەوە، بەپێى ئەو رێککەوتنە کە کارا دەبێت تا گەیشتنە رێککەوتنى کۆتایى لەنێوان دیمەشق و هەسەدە، بەپێى تەواوى ناوچەکانى ژێر دەسەڵاتى هەسەدە، وەک ئەوەى بەرپرسە کوردەکە ئاماژەى پێدا.
رێککەوتنەکە سەرەڕاى ماددەى کشانەوەى هێزەکانى ناو گەڕەکەکان بۆ رۆژهەڵاتى فورات، دان بە تایبەتمەندیی کورد لە هەردوو ناوچە و، پاراستن و پارێزگارى لە تایبەتمەندیی کۆمەڵایەتى و کەلتوورى دانیشتووانەکانى دەکات. هەروەها لەگەڵ مانەوەى دامەزراوە مەدەنییەکان و ئازادکردنى سەرجەم دەستبەسەرکراوان و ئاسانکارى لە جموجوڵى دانیشتووانى هەردوو گەڕەکە کوردنشینەکە لەگەڵ ناوچەکانى باکوور و رۆژهەڵاتى سوریا کە رووبەرێکى بەرفراوان دەگرێتەوە و لەژێر دەسەڵاتى هێزەکانى سوریاى دیموکراتدایە.