یاشار گولەر، وەزیری بەرگریی تورکیا رایگەیاند، دەبێت پەكەكە و گروپەكانی سەر بەو رێكخراوە لە هەر كوێیەك بن، لەنزیكترین كاتدا خۆیان هەڵوەشێننەوە بەبێ هیچ مەرجێك چەكەكانیان دەستبەجێ چەكەكانیان رادەست بكەن.
ئاوێنە: یاشار گولەر، وەزیری بەرگریی تورکیا، ئەمڕۆ شەممە، لە وتەیەكدا كە لە بۆنەیەكدا لە ئەنقەرە پێشكەشی كرد، رایگەیاند، "دەبێت پەكەكە و سەرجەم درێژكراوەكانی لە هەر ناوچەیەكی جوگرافی چالاكی و لەژێر هەر ناوێكدا چالاكی دەكەن لە نزیكترین كاتدا بڕیاری خۆهەڵوەشاندنەوە بدەن و بە چاوپۆشین لەوەی لە چ شوێنێكن دەستبەجێ و بەبێ هیچ مەرجێك چەكەكانیان رادەست بكەن."
جەختیشی كردەوە، جگە لەو بژاردەیە، هیچ وەڵامێكیان بۆ هیچ راگەیەندراو و رێكارێكی دیكە نابێت.
بەقسەی وەزیری بەرگریی توركیا، نابێت لە پڕۆسەكەدا شتی دیكەی وەگ ئاگربەست بهێنرێتە ئاراوە، چونكە ئەو كارە بەهیچ شێوەیەك رونادات و وتیشی "ئامانجی كۆتاییمان سەركەوتنە بەسەر تیرۆر و بەسەر تەواوی رێكخراوە تیرۆریستییەكاندا بەتەواوەتی."
ئاماژەی بەوەشداوە، بۆیە رێگە نادرێت بە تێكدانی ئەم پڕۆسەیە یاخود خراپ بەكارهێنانی یان كات كوشتن.
هەروەها وتیشی، دەبێت ئەوە لە بیر نەكەین كە بە قۆناغێكدا تێپەڕدەبین زیاتر لە هەر كاتێك پێویستمان بە یەكگرتویی و یەكڕێزییە بۆ شكستپێهێنانی ئەو خواستانەی كە دەیانەوێت نەخشەی ناوچەكەمان بگۆڕن.