دۆناڵد ترەمپ، سەرۆكی ئەمریكا رایگەیاند، بە هەماهەنگی لەگەڵ حكومەتی عێراق و حكومەتی هەرێم والی عێراق و سوریای رێكخراوی داعشیان كوشتوە.
ئاوێنە: دۆناڵد ترەمپ، ئەمڕۆ شەممە، لە هەژماری خۆی لە تۆڕی كۆمەڵایەتی تروس لەبارەی كوژرانی والی عێراق و سوریای داعشەوە رایگەیاند"سەركردە هەڵاتوەكەی داعش لە عێراق كوژرا. جەنگاوەرە پاڵەوانەكانمان بەبێ وچان سەركردەكەی داعشیان رەو دەنا."
سەرۆكی ئەمریكا وتوشیەتی"به هه‌ماهه‌نگی حكومه‌تی عێراق و حكومه‌تی هه‌رێمی كوردی كۆتایی بە ژیانه نه‌گریسه‌كه‌ی ئه‌و سه‌ركرده‌یه له‌گه‌ڵ ئه‌ندامێكی دیكه‌ی داعش هێنرا".
سه‌رۆكی ئه‌مریكا ئاماژەی بەوەشداوە "ئاشتی له رێگه‌ی هێزه‌وە."
ئێواره‌ی دوێنێ هه‌ینی محه‌مه‌د شیاع سودانی، سه‌رۆك وه‌زیران و فه‌رمانده‌ی گشتیی هێزه چه‌كداره‌كانی عێراق له پلاتفۆرمی ئێكس كوژرانی عه‌بدوڵا مه‌كی موسڵیح ره‌فیعی، ناسراو به ئه‌بو خه‌دیجه‌ی راگه‌یاند.
عه‌بدوڵڵا مه‌كی ناسراو به ئه‌بو خه‌دیجه، له ماوه‌ی كاركردنییدا له‌گه‌ڵ رێكخراوی داعش، چه‌ندین پۆستی باڵای هه‌بوه له‌وانه، جێگری خه‌لیفه‌ی داعش، والی عێراق و سوریا و به‌رپرسی نوسینگه‌ی ئۆپه‌راسیۆنه‌كانی ده‌ره‌وه.