لە راپۆرتێکی نوێی رێکخراوەکانی ژنان لە تورکیا، ساڵى رابردوو لە تورکیا و باکووری کوردستان 394 ژن بەدەستی پیاوان کوژراون و لە دوو مانگى رابردووى ئەمساڵیشدا 49 ژن بەدەستی پیاوان کوژراون.
ئاوێنە: رۆژنامەى قەرار لە راپۆرتێکدا ئاشکرایکردووە، لەماوەى سێ ساڵی رابردوودا هەزار و 43 ژن لەو وڵاتە کوژراون کە بە نزیکەیی بۆ هەر رۆژێک ژنێک کوژراوە.
ئاماژە بەوەش دراوە، لە تورکیا و باکوورى کوردستان رێکخراوەکانی ژنان داوادەکەن یاسای ژمارە شەش هەزار و 284 کە تایبەتە بە پاراستی مافی ژنان و رێگرییکردن لە توندوتیژی دژ بە ژنان جێبەجێ بکرێت.