سه‌رۆكی فه‌ره‌نسا په‌یامێكى توند ئاراسته‌ى سه‌رۆكى ئه‌مریكا ده‌كات‌و ڕایده‌گه‌یه‌نێت، "ئاماده‌ین بۆ هه‌موو سیناریۆیه‌ك له‌گه‌ڵ ئه‌مریكاو بێ ئه‌مریكاش"، ده‌شڵێت، "ئه‌مریكا بڕیار له‌چاره‌نوسی ئه‌وروپا نادات".
ئاوێنە: ئیمانوێڵ ماكرۆن سه‌رۆكی فه‌ره‌نسا له‌په‌یامێكدا ڕایگه‌یاند، "مانه‌وه وه‌كو ته‌ماشاكه‌رێك له‌م جیهانه‌دا كارێكی شێتانه‌یه، وه‌كو فه‌ره‌نساو ئه‌وروپاش، بۆ هه‌ر جۆره سیناریۆیه‌ك له‌گه‌ڵ ئه‌مریكاو بێ ئه‌مریكاش ئاماده‌ین".
سه‌رۆكی فه‌ره‌نسا ئه‌وه‌شى ڕونكرده‌وه، "فه‌ره‌نساو ئه‌وروپاش خوازیاریى په‌یوه‌ندییه‌كى به‌رده‌وامن له‌گه‌ڵ ئه‌مریكا، به‌ڵام ده‌بێت هه‌مولایه‌ك ئه‌وه بزانێت، ئه‌وروپا توانای زۆری هه‌یه بۆ به‌ره‌نگاربونه‌وه‌ی هه‌ر ئاڵنگارییه‌كی جیهانیی".
ماكرۆن جه‌ختیكرده‌وه، "پێویسته وڵاتانی ئه‌وروپا خۆیان به‌رگریی له‌خۆیان بكه‌ن‌و پشت به‌هیچ هێزێكی دیكه نه‌به‌ستن، ده‌بێت ئه‌وه‌ش بزانن، ئه‌مریكا بڕیار له‌چاره‌نوسی ئه‌وروپا نادات".