وەزیری دەرەوەی توركیا پێشوازی لە حەسەن توران و راكان جبوری دەكات
  2025-03-05       472       

هاكان فیدان، وەزیری دەرەوەی توركیا، ئەمڕۆ چوارشەممە لە ئەنقەرە پێشوازی لە حەسەن توران، سەرۆكی بەرەی توركمانی و راكان جبوری، سەرۆكی هاوپەیمانی عەرەبی لە كەركوك و خالید مەفرەجی، سەركردە لە حزبی سیادەی عێراقی كردوە.

ئاوێنە: بەپێی راگەیەندراوێكی بەرەی توركمانی لە كۆبونەوەكەدا پێشهاتە سیاسی و ئەمنییەكانی عێراق و ناچەكەو بەتایبەت دۆخی كەركوك تاوتوێ كراوە و هەروەها تاوتوێی پتەوكردنی پەیوەندییەكانی نێوان عێراق و توركیا كراوە.

وەك لە راگەیەندراوەكەدا هاتوە، حەسەن توران لە كۆبونەوەكەدا جەختی كردۆتەوە لەسەر گرنگی گفتوگۆ و راوێژی نێوان بەغداو ئەنقەرە بۆ پشتیوانیكردنی سەقامگیری و پڕۆژە هاوبەشەكان.

هەر بەگوێرەی راگەیەندراوەكە، هاكان فیدان لە كۆبونەوەكەدا جەختی لە پابەندبونی توركیا بە پشتیوانی سەقامگیری و یەكپارچەیی خاكی عێراق كردۆتەوە.

زۆرترین بینراو
© 2025 Awene Online, Inc. All Rights Reserved.
×