كۆشكی سپی ئهمڕۆ سێشهممه پشتڕاستیكردهوه كه هاوكارییه سهربازییهكانی ئهمریكا بۆ ئۆكرانیا ڕادهگرێت و جهختیكردهوه كه ئهمریكا دهیهوێت دڵنیابێت لهوهی ئهو هاوكارییانه یارمهتیدهر دهبن بۆ چارهسهركردنی قهیرانی ئۆكرانیا.
ئاوێنە: وتهبێژی كۆشكی سپی ڕایگهیاند، دۆناڵد ترهمپ سهرۆكی ویلایهته یهكگرتوهكانی ئهمریكا به ڕونی ئهوهیخستهڕو كه سهرنجی لهسهر ئاشتییه، "پێویستمان به هاوبهشهكانمانه كه پابهندبن بهم ئامانجهوه، ئێمه هاوكارییهكانمان ڕادهگرین و پێداچونهوهیان بۆ دهكهین بۆ یارمهتیدان له چارهسهركردنی قهیرانی ئۆكرانیا".
میدیاكانی ئهمریكا پێشتر به پشتبهستن به سهرچاوهكانی كۆشكی سپی بڵاویان كردهوه كه ئهمریكا ههمو هاوكارییه سهربازییهكانی بۆ ئۆكرانیا ڕاگرتوه تا ئهو كاتهی كیێڤ پابهندبونی خۆی به دانوستانهكانی ئاشتی نیشان دهدات.
ماڵپهڕی بلومبێرگ بڵاویكردهوه، دۆناڵد ترهمپ فهرمانی ڕاگرتنی ههمو هاوكارییه سهربازییهكانی ئۆكرانیای دهركرد، ئهمهش دوای ئهوهی تهنها چهند ڕۆژێك له سهرههڵدانی كێشهكانیان له ئۆفیسی ئۆڤاڵ فشاری لهسهر ڤۆڵۆدمیر زلێنسكی دروستكرد.
بهرپرسێكی بهرگری ئهمریكا به ئاژانسهكهی ڕاگهیاندوه، "ئهمریكا ههمو هاوكارییه سهربازییهكانی ئێستای بۆ ئۆكرانیا ڕاگرتوه تا ئهو كاتهی ترهمپ دیاریدهكات كه سهركردهكانی وڵاتهكه پابهندبونێكی نیهتپاكییان بۆ ئاشتی نیشاندهدهن".
میدیاكانی ئهمریكا بڵاویانكردهوه، ترهمپ فهرمانی به بهرپرسانی ئاسایشی نیشتمانی كردوه كه به شێوهیهكی كاتی یان به تهواوی پێداچونهوه به دابینكردنی چهكدا بكهن بۆ ئۆكرانیا دوای پێكدادانێكی گهرمی كۆشكی سپی ههینی له نێوان ترهمپ و جهی دی ڤانس جێگری سهرۆك و میوانهكهیان ڤۆڵۆدمیر زلێنسكی سهبارهت به پێویستی گهیشتن به یهكلاییكردنهوهی قهیرانهكه لهگهڵ ڕوسیا.