سەرۆک وەزیرانی ئیسرائیل ڕایگەیاند، وڵاتەكەمان ڕێگە بەوە نادات سەرکردە نوێیەکانی سووریا لە باشووری ئەو وڵاتە دەسەڵاتی ڕەهایان هەبێت، دەشڵێت، ڕێگا به هیچ هه‌ڕه‌شه‌یه‌ك ناده‌ین بۆ سه‌ر كۆمه‌ڵگه‌ی درووزییەكان له باشووری سووریادا.
ئاوێنە: بنیامین ناتانیاهۆ، سەرۆک وەزیرانی ئیسرائیل سەبارەت بە دەسەڵاتی سەرکردە نوێیەکانی سووریا لە باشووری ئەو وڵاتە ڕایگەیاند، ئیسرائیل بە هیچ شێوەیەك ڕێگە بەوە نادات سەرکردە نوێیەکانی سووریا لە باشووری ئەو وڵاتە دەسەڵاتی ڕەهایان هەبێت.
ئاماژەی بەوەشکردووە، ڕێگه ناده‌ین هێزه‌كانی ده‌ستەی ته‌حریری شام یان سوپای نوێی سووریا بچنه ناو خاكه‌كانی باشووری دیمه‌شقه‌وه، هەربۆیە داوای داماڵینی ته‌واوه‌تی باشووری سووریا له چه‌ك ده‌كه‌ین، بە تایبەتی له پارێزگاكانی قونه‌یتره، درعا و سوه‌یدا‌ء.
دەشڵێت، ڕێگا به هیچ هه‌ڕه‌شه‌یه‌ك ناده‌ین بۆ سه‌ر كۆمه‌ڵگه‌ی درووزییەكان له باشووری سووریادا، چوونکە درووزییەكان بەشێكن لە له پێكهاتەی سووریا و ئیسرائیل.
جێگای ئاماژەیە، له‌گه‌ڵ داڕمانی ده‌سه‌ڵاتی بەعس له مانگی كانوونی یه‌كه‌می ساڵی ڕابردوودا، ئیسرائیل هێزه‌كانی گواسته‌وه بۆ ناوچه‌ی پارێزراوی ژێر چاودێری نه‌ته‌وه یه‌كگرتووه‌كان له ناوخۆی سووریادا.