كەناڵی سکای نیوز بڵاوی كردەوە، حەماس لە نامەیەکدا بۆ ڕێکخراوی ڕزگاریخوازی فەڵەستینی ئامادەیی خۆی بۆ ڕادەستکردنی کەرتی غەزە، بە دەسەڵاتدارانی فەڵەستین و لیژنەی حکوومی بۆ بەڕێوەبردنی کەرتی غەزە دەربڕیوە.
ئاوێنە: كەناڵی سکای نیوز، سەبارەت بە ڕادەستکردنەوەی کەرتی غەزە لەلایەن حەماسەوە بەم شێوەیە زانیاری بڵاوکردەوە، حەماس لە نامەیەکدا بۆ ڕێکخراوی ڕزگاریخوازی فەڵەستینی ئامادەیی خۆی بۆ ڕادەستکردنی کەرتی غەزە، بە دەسەڵاتدارانی فەڵەستین و لیژنەی حکوومی بۆ بەڕێوەبردنی کەرتی غەزە دەربڕیوە.
ئاماژە بەوەشکراوە، حەماس تەنها مەرجی ئەوەی داناوە، کە کارمەندانی کەرتی غەزە دووبارە لە ناو ئیدارەی نوێ وەربگیرێنەوە یان خانەنشین بکرێن، لەگەڵ گەرەنتی ئەوەی مووچەکانیان بدرێت.
ئەوەشخراوەتەڕوو، ڕازیبوونی حەماس بە ڕادەستکردنی دەسەڵات لە غەزە، دوای فشارێکی زۆری میسر دێت بۆ سەر شاندەكەیان کە سەردانی قاهیرەیان کردووە.
هەروەها نێردەی تایبەتی ئەمریکا ڕایگەیاندووە، بڕیارە لەم هەفتەیەدا دانووستانەکان سەبارەت بە قۆناغی دووەمی ئاگربەست لە غەزە و ئاڵوگۆڕی بارمتە ئیسرائیلییەکان و زیندانیانی فەلەستینی بەردەوام بێت.