ڕەجەب تەیب ئەردۆغان سەرۆک کۆماری تورکیا ڕایگەیاند، هیچ کەسێک ناتوانێت خەڵکی غەززە لەخاکی خۆیان دەربکات‌و پلانی دۆناڵد ترەمپ سەرۆکی ئەمریکا بۆ گواستنەوەی فەڵەستینییەکان‌و ئەمریکا کۆنترۆڵکردنی ئەو شریتە ڕەتدەکەینەوە، ده‌شڵێت:"پلانه‌كه‌ى تره‌مپ زۆر بێ مانایه".
ئاوێنە: سه‌رۆك كۆمارى توركیا لەکۆنگرەیەکی ڕۆژنامەوانیدا وتی:"کەس ناتوانێت خەڵکی غەززە لەزێدی خۆیان دەربکات کە هەزاران ساڵە لێی دەژین".
وتوشیه‌تى:"غەززەو کەناری ڕۆژئاواو قودسی ڕۆژهەڵات، هی فەڵەستینییەکانن‌و هیچ كه‌س بۆى نییه‌و ناتوانێت له‌و زێده‌ى خۆیان ده‌ریان بكات".
ئه‌وه‌شى وت:"بۆ ئێمە پێویست ناکات تاووتوێی پلانی ترەمپ بۆ غەززە بکەین یان بەڕژدی وەربگرین، چونكه هه‌ر له‌بنه‌ڕه‌تدا زۆر بێ مانایه".
جەختیشیکردەوە، "ئەم پلانە بەتەواوی بێمانایە، کەس دەسەڵاتی ئەوەی نییە خەڵکی غەززە لەزێدی خۆیان دەربکات، خەڵکی غەززە بەردەوامدەبن لەمانەوەو تێیدا دەژین‌و خاکی خۆیان دەپارێزن".
په‌یامه‌كه‌ى ئه‌ردۆغان له‌كاتێكدایه، دۆناڵد ترەمپ سەرۆکی ئەمریکا ڕایگەیاند، پابەندە بەکڕین‌و خاوەندارێتی غەززەو ڕەنگە بەشێکی بداتە وڵاتانی دیکەی ڕۆژهەڵاتی ناوەڕاست بۆ ئەوەی ئاوەدانی بکەنەوە.