میدیای بزوتنەوەی گۆڕان لەزاری سەرچاوەیەکەوە ئاشکرایکردوە کە لەگفتوگۆی ئەمرۆی هەردوو شاندی هەرێم و بەغداد، شاندی هەرێم داوای ئەوەیان کردوە عێراق 13 ترلیۆن دینار بۆ موچەی هەرێم دابین بکات بۆ ئەمساڵ.
ئاوێنە: ئاماژە بەوەشدراوە، شاندی عێراق وتویانە ئەو پارەیە زۆر زۆرە و ناتوانین دابینکردنی بۆ بکەین و لە پشکی هەرێم زیاترە، بەڵام دەکرێت مووچەی هێزەکانی پێشمەرگە بخرێتە سەر وەزارەتی بەرگری عێراق و ئەوکێشەیە چارەسەر دەبێت.
لەبەرامبەر ئەو داوایەدا شاندی هەرێم بە توندی دژی ئەو داوایە وەستاونەتەوەو وەک سەرچاوەکەی میدیای بزوتنەوەی گۆڕان وتویەتی، شاندەکە وتویانە ئەوە داواکارییە هەرگیز جێبەجێی ناکەین چونکە سەروەری قەوارەی هەرێم دەخاتە مەترسیەوە.