ڕێکخراوی CPT ئه‌مریكى ڕاپۆرتێکی لەبارەی هێرشەکانی ئێران‌و تورکیا بۆ سەر سنورەکانی هەرێمی کوردستان ئاماده‌كردو ڕادەستی کۆنگرێسی ئەمریکاى کرد، ئه‌ندامێكى ڕێكخراوه‌كه‌ش ده‌ڵێت:"بەرپرسانی ئەمریکا سەبارەت بەژمارەی قوربانییانی هەرێمی کوردستان، توشی شۆکبون".
ئاوێنە: جولیان بیڵ، ئەندامی ڕێکخراوی (سی پی تی) ئه‌مریكى لەواشنتۆنه‌وه زانیاریى ئاشكراكردوه‌و وتویه‌تى:"سی پی تی ڕاپۆرتی دەستدرێژییەکانی ئێران‌و تورکیای بۆ سەر سنورەکانی هەرێم‌و شەهیدکردنی هاوڵاتییانی سڤیلی گەیاندوه‌ته کۆنگرێس‌و وەزارەتی دەرەوەی ئەمریکا".
به‌وته‌ى جولیان، "خەڵکی هەرێمی کورستان بەبێ هۆکار لەلایەن دراوسێکانیەوە شەهید دەکرێن، هەزاران کەسیش ئاوارەبون‌و قەرەبوش نەکراونەتەوە".
جولیان بیڵ ئه‌وه‌شى ئاشكراكرد، بەرپرسانی ئەمریکا سەبارەت بەژمارەی قوربانییانی هەرێمی کوردستان، توشی شۆکبون.