ئەمڕۆ هەینی، شەڕ لەنێوان هێزێكی پاسەوانی سنوریی عێراق و گەریلاكانی پەكەكە لە سنوری زاخۆ دروست بوەو لە ئەنجامدا دو سەربازیی پاسەوانی سنور كوژراون.
ئاوێنە: بەگوێرەی زانیارییەكان شەڕەكە پێشنیوەڕۆی ئەمڕۆ هەینی، لەنێوان گوندەكانی سۆریا و شیلان لە سنوری زاخۆ لە نێوان هێزێكی پاسەوانی سنور و گەریلاكانی پەكەكەدا رویداوە.
لە ئەنجامی شەڕەكە دو پاسەوانی سنور كوژراون و یەكێكی دیكەش بریندارە.
تاوەكو ئێستا لایەنە رەسمییەكانی هەرێم و عێراق لەبارەی شەڕەكەوە لێدوانی رەسمییان نەداوەو هەروەها پەكەكەش هیچ زانیارییەكی لەوبارەیەوە بڵاو نەكردۆتەوە.