دۆناڵد ترمپ ڕایگەیاند، لە ساڵی ٢٠٢١دا حوسییەکانمان خستە ناو لیستی تیرۆرەوە، بەڵام ئیدارەی جۆ بایدن لە دوای چەند مانگێک حووسییەکانی لە لیستەکە دەرهێنا.
ئاوێنه: دۆناڵد ترمپ، لەبارەی زیادکردنی حوسییەکان بۆ ناو لیستی تیرۆری بیانییەکانەوە ڕایگەیاند، لە ساڵی ٢٠٢١دا حوسییەکانمان خستە ناو لیستی تیرۆرەوە، بەڵام ئیدارەی جۆ بایدن لە دوای چەند مانگێک حووسییەکانیان لە لیستەکە دەرهێنا.
ئاماژەی بەوەشکردووە، ئێران بە ڕێگای هەمەجۆر چالاکییە تیرۆریستییەکانی لە ناوچەکەدا بڵاوکردووەتەوە و حووسییەکانی یەمەن لەم چوارچێوەیەدا بەکاردەهێنێت، بەتایبەتی بەهۆی هێرشەکانی بۆ سەر کەشتییەکان لە دەریای سوور ئیدی ئەم ڕێکخراوە پێویستە دووبارە بخرێتەوە لیستەکەوە.
هاوکات، بەپێی بڕیارەکەی ترەمپ ئەمریکا لەماوەی ٣٠ڕۆژدا بە فەرمی حووسییەکان دەخاتەوە لیستی ڕێکخراوە تیرۆریستییەکانەوە.