میدیای نزیك لە هەسەدە رایگەیاند، ئەو هەواڵانە راست نین كە باس لەوە دەكەن هێزەكانی سوریای دیموكرات-هەسەدە و میلیشیاكانی سەربە توركیا لەبارەی ئاگربەست گەیشتونەتە رێككەوتن.
ئاوێنە: ئاژانسی هاوار نیوز، نزیك لە هەسەدە، ئێوارەی ئەمڕۆ دوشەممە لەزاری چەند سەرچاوەیەكەوە رایگەیاندوە، هەندێك لە دەزگاكانی راگەیاندن بڵاویانكردۆتەوە كە هەسەدە و میلیشیاكانی سەربە توركیا بە نێوەندگیری هاوپەیمانی نێودەوڵەتی لەبارەی ئاگربەست گەیشتونەتە رێككەوتن، بەڵام ئەو هەواڵانە راست نین.
ئاژانسەكە ئەوەشی خستۆتەڕو، سوپای توركیاو میلیشیاكانی سەربە توركیا لە ناوچەكانی نزیك لە پردی قەرەقۆزاق و بەنداوی تشرین، جموجوڵەكانیان چڕكردۆتەوە.