ڕەجەب تەیب ئەردۆگان سەرۆكی توركیا ڕایگەیاند،  دەرگای تورکیا و دڵی گەلەکەی بۆ هەمو ئەوانە كراوەیە كە دەیانەوێت بگەڕێنەوە بۆ ئەو وڵاتە "جگە لە تیرۆریستان"، هەروەها دەشڵێت، "ئێمە نامانەوێت تەنانەت یەک کەس، یەک گەنجی وڵاتەکەمان، بکەینە قوربانیی حەز و ئارەزوەکانمان."

ڕەجەب تەیب ئەردۆگان، لەمیانی بەشداریی لە بەرنامەی "دیداری گەنجان" لە پارێزگای ئەرزەڕوم ڕایگەیاند، "زۆربەی ئەو کەسانەی بەو دەرفەتانەی دەوڵەتەكەمان بۆی ڕەخساندون خوێندنیان تەواوکردوە، ئەزموونی کارکردنیان بەدەستهێناوە و پاشان چونەتە دەرەوەی وڵات، ئێستا لەوێ بێهیوا بونە و بەدوای ڕێگای گەڕانەوەدا دەگەڕێن"

ئاماژەی بەوەشكرد، "دەزانین بەشێک لەوانەی لەوێ ماونەتەوە نەیانتوانیوە قەناعەت بەخۆیان بکەن بۆ گەڕانەوە، لەبەرئەوە بەرگەی ئەو سەختییەیان گرتوە کە ڕوبەڕویان بوەتەوە."

ئەردۆگان باسی لەوەشكرد، "هەرچۆنێک بێت، دەرگای تورکیا و دڵی گەلەکەمان بۆ هەموان کراوەیە جگە لە تیرۆریستان، ئێمە نامانەوێت تەنانەت یەک کەس، یەک گەنجی وڵاتەکەمان، بکەینە قوربانیی حەز و ئارەزوەکانمان".