بەهۆی ناجێگیری دۆخی ناوخۆی سووریا و بەردەوامی گرژی و ئاڵۆزییەکان، باڵیۆزخانەی ئەمریکا لەو وڵاتە لە راگەیەندراوێکدا داوا لە هاوڵاتیانی دەکات تا زووە وڵاتەکە جێبهێڵن.
ئاوێنە: باڵیۆزخانەی ئەمریکا لە راگەیەندراوەکەدا دەڵێت: ئەو هاوڵاتیە ئەمریکییانەش کە ناتوانن سووریا جێبهێڵن، دەبێت پلانێکی تۆکمە بۆ ئەم دۆخەی ئێستا دابنێن، لە شوێنی خۆیان و پەناگەیەکدا بمێننەوە.
ئەم رووداوانە لە دوای هێرشی هێزە چەکدارە ئۆپۆزسیۆنەکانی سووریا دەستیپێکرد کاتێک دژی رژێمی بەشار ئەسەد راپەڕین؛ پاشان لە ڕۆژی یەکشەممە 8ـی 12ـی 2024، توانییان دیمەشق کۆنترۆڵ بکەن، بەشار ئەسەدیش ناچار بە هەڵاتن بکەن، کە ماوەی 24 ساڵ دەسەڵاتی وڵاتەکەی بەدەستەوە بوو.