ئەبو محەمەد جۆلانی، فەرماندەی دەستەی تەحریری شام رایگەیاند، كار لەسەر ئەوە دەكەن موچەی كەرتی گشتی لەسەدا 400 زیادبكرێت و خزمەتی سەربازیی ناچاریش لە سوریا نەمێنێت.
ئاوێنە: ئەبو محەمەد جۆلانی، لە پەیامێكی ڤیدیۆییدا، لەبارەی خزمەتی سەربازیی ناچارییەوە وتی، ئێمە هێستا دیراسەی كاروبارەكان دەكەین، لەڕوی مەبدەئیەوە پێمانوایە دەبێت خزمەتی سەربازیی خۆبەخشانە بێت و ئێمە لەگەڵ ئەوە نین باری سورییەكان بە بابەتی مۆتەكەی سەربازیی ناچاری قورس بكەین.
وتیشی، دەكرێت لە حاڵەتی بونی مەترسی زۆر گەورەدا، خزمەتی سەربازیی ناچاری پەیڕەو بكرێت.
هەروەها لە لێدوانێكی دیكەدا جۆلانی لەبارەی موچەی كەرتی گشتی وتی، دیراسەی ئەوە دەكەن كە موچە لە سوریا بەڕێژەی لەسەدا 400 بەرزبكەنەوە.