پەرلەمانی كۆریای باشور بەزۆرینەی دەنگ بڕیاری دا لێپێچینەوە لە یون سوک یۆل، سەرۆكی وڵاتەكە بكرێت.
ئاوێنە: لە دانیشتنی پەرلەمانی كۆریای باشوردا 204 پەرلەمانتار دەنگیان بە بڕیارەكەدا و 85 پەرلەمانتاریش دژی بڕیارەكە دەنگیان دا.
بڕیارەكەی پەرلەمانی كۆریای باشور، بەهۆی ئەوەوەیە كە یون سوك یۆل، سەرۆكی وڵاتەكە باری نائاسایی لە وڵات راگەیاندبو و دەسەڵاتی سەربازی لەجێی دەسەڵاتی مەدەنی خستبوە كار، زۆرینەی پەرلەمانتاران ئەوە بە پێشێلكردنی دەستور و یاساكانی وڵاتەكە دەزانن.
دوای ئەوەی وێنەیەكی بڕیارەكەی پەرلەمان بۆ سەرۆكایەتی وڵات و بۆ دادگای دەستوری دەنێردرێت، دەسەڵاتەكانی یون سوك یۆل وەك سەرۆكی كۆریای باشور هەڵدەپەسێردرێن.
هەروەها پاش ئەوە سەرۆك وەزیران بە وەكالەت كاروبارەكانی سەرۆكی وڵات رادەپەڕێنێت.
لەدوای هەڵپەساردنی دەسەڵاتەكانیشی یون سوك یۆل لە پۆستی سەرۆكی وڵات دەمێنێتەوە تا ئەو كاتەی دادگای دەستوری بڕیارەكەی پەرلەمان پەسەند دەكات.