هێزەکانی سوپای ئیسرائیل چەند ناوچەیەکی دیکەیان لەسوریا کۆنترۆڵکردوەو لەئێستادا تەنها 20 کیلۆمەتر لەشاری دیمەشقی پایتەختی سوریاوە دورن.
ئاوێنە: سەرچاوە میدیاییەکان بڵاویانکردوەتەوە، هێزەکانی ئیسرائیل لەگوندەواری باکوری دیمەشق کە هاوسنورە لەگەڵ لوبنان پێشڕەوییان کردوەو لەپلانیدایە ناوچەی خان شێخ لەشاری قەتنا کۆنتڕۆڵ بکات، کە هاوسنورە لەگەڵ قەزای ڕاشیا لەناو خاکی لوبنان.
ئەوەشیخستەڕوو، لەئێستادا سوپای ئیسرائیل تەنها سێ کیلۆمەتر لەشاری قەتنای سەر بەگوندەواری باکوری دیمەشق‌و 20 کیلۆمەتر لەشاری دیمەشقی پایتەختەوە دورە.
هاوکات، لەدوێنێ دوشەممەوە فڕۆکە جەنگییەکانی ئیسرائیل ناوچە جیاجیاکانی سوریایان بۆردومانکردوە، ئیسرائیلیش لەبارەی هێرشەکانەوە دەڵێت، کۆگای چەکە کیمیاییەکانی سەر بەڕژێمی پێشوی ئەسەدیان خاپورکردوە، بۆ ئەوەی لەدژی ئیسرائیل بەکارنەهێنرێن.