وتەبێژی وەزارەتی بەرگری ئەمریکا رایگەیاند، بۆ نەهێشتی داعش لەسوریا بەردەوام دەبین لە ئەرکەکانمان، بۆئەو مەبەستەش هەسەدە هاوبەشێکی سەرەکییمانە.
ئاوێنه: پاتریک رایدەر، وتەبێژی وەزارەتی بەرگری ئەمریکا ناسراو بە پنتاگۆن رایگەیاند: ئەمریکا هیچ پەیوەندییەکی بەو روداوانەوە نییە کە لە سوریا رودەدەن و ئامادەین بەرژەوەندی و هێزەکانمان لە سوریا بپارێزین بە تایبەت ئەوانەی لە سوریا کاردەکەن بۆ ئەوەی شکستی داعش مسۆگەر بکرێت.
ئەمەشی وت، بەردەوامین لە پەیوەندییەکانمان لەگەڵ هێزەکانی سوریای دیموکرات (هەسەدە) و هاوبەشێکی سەرەکییمانە لە شکستپێهێنانی داعش.
ئاماژه‌ی به‌وه‌شكرد، تاوەکو ئێستا هیچ گۆڕانکارییەک لە دابەشکردنی هێزەکانمان لە باکووری رۆژهەڵاتی سوریا روینەداوە و لە نزیکەوە چاودێری دۆخەکە دەکەین.