بەشار ئەسەد، سەرۆك كۆماری سوریا لەمیانی پەیوەندییەكی تەلەفۆنیدا لەگەڵ مەسعود پزیشكیان، سەرۆك كۆماری ئێران، رایگەیاند، هێرشی گروپە چەكدارەكان لە باكوری سوریا، "پلانی ئەمریكا و زایۆنییەكانە" بۆ دابەشكردنی سوریا و دروستكردنی دەوڵەتێك لە باكوری سوریا.
ئاوێنە: بەپێی ئاژانسی رەسمی هەواڵی ئێران، بەشار ئەسەد، سەرۆك كۆماری سوریاو مەسعود پزیشكیان، سەرۆك كۆماری ئێران لە پەیوەندییەكی تەلەفۆنیدا دۆخی سوریاو ناوچەكەیان تاوتوێ كردوە.
بەشار ئەسەد لە پەیوەندییە تەلەفۆنییەكەدا وتویەتی، "جوڵەی تیرۆریستەكان" لە باكوری سوریا، "پلانی ئەمریكاو زایۆنییەكانە" بۆ دابەشكردنی سوریاو دروستكردنی دەوڵەتێك لە باكوری وڵات بە هاوكاری ئیسرائیل و ئەمریكا.
بەپێی ئاژانسی رەسمی ئێران، لای خۆیشییەوە مەسعود پزیشكیان لە گفتوگۆ تەلەفۆنییەكەدا جارێكی تر "بەردەوامی پشتیوانی وڵاتەكەی بۆ حكومەت و گەلی سوریا" دوپاتكردۆتەوە.