ئێران ئامادەیە دانوستان لەگەڵ حکومەتی نوێی ئەمریکا بکات بەسەرۆکایەتی دۆناڵد ترەمپ.
ئاوێنه: فاتیمە موهاجرانی وتەبێژی حکومەتی ئێران رایگەیاند، حکومەتی وڵاتەکەی ئامادەیە بۆ ئەنجامدانی دانوستانی دوولایەنە لەگەڵ حکومەتی نوێی ئەمریکا.
ئەوەشی وت، پێویستە ئەمریکا بەرژەوەندییەکانی ئێران لەبەرچاوبگرێت ئەویش تەنها لە رێگای قسەوە ناکرێت بەڵکو دەبێت بە کرداری بکرێت.
لەلایەکی دیکەوە وەزارەتی دەرەوەی ئێران رایگەیاند، رۆژی هەینی داهاتوو ئێران سەبارەت بە بەرنامە ئەتۆمییەکەی لەگەڵ فەرەنسا، ئەڵمانیا و بەریتانیا کۆدەبێتەوە و وتووێژ دەکەن.