هاوسەرۆکانی ناوچەی ئەسەنیورتی ئیستانبوڵی دەم پارتی ڕۆژدا یەڵماز و عەبدوڵا ئارینان پاش بانگکردنیان بۆ بنکەی پۆلیس دەستبەسەر کران.
ئاوێنە: ئەمڕۆ دوشەممە، هێزەكانی پۆلیسی توركیا هەڵیکوتایە سەر بارەگای دەم پارتی لە ناوچەی ئەسەنیورتی ئیستانبوڵ، هەروەها بەڕێوەبەرایەتی ئاسایش بۆ وەرگرتنی وتە هاوسەرۆکانی ناوچەکە ڕۆژدا یەڵماز و عەبدوڵا ئینانیان بانگ کرد بۆ بنکەی پۆلیس.
پاش ئەوەی ڕۆژدا یەڵماز و عەبدوڵا ئارینان چونە بەڕێوەبەرایەتی پۆلیس، لەوێ دەستبەسەرکران، هاوکات پۆلیسەکان کاتژمێر 3:30 خولەكی پاشنیوەڕۆ هەڵیانکوتایە سەر ماڵی هەردو هاوسەرۆکەکە و پشکنییان.
بەگوێرەی میدیاكانی توركیا، هاوسەرۆکە دەستگیركراوەكانی دەم پارتی بۆ ماوەی 24 کاتژمێر ناتوانن لەگەڵ پارێزەرەکانیان کۆببنەوە.