ئەمریکا دژی دواخستنی هەڵبژاردن و دروستکردنی کێشەی زیاترە لەبەردەم پرۆسەکە و دەڵێت: پێویستە لەکاتی خۆیدا بەڕێوە بچێت.
ئاوێنە: ماتیۆ میلەر وتەبێژی وەزارەتی دەرەوەی ئەمریکا دووپاتی کردەوە دەبێت هەڵبژاردنی پەرلەمانی هەرێم کە بڕیارە 10 ڕۆژی دیکە و لە 20 ی ئۆکتۆبەری 2024 بەڕێوە بچێت، بەشێوەیەکی دادپەروەرانە و ئازادانە بکرێت.
دەشڵێت: ئەمریکا دژی هەر جۆرە دواخستنێکی زیاتر و یان دروست بوونی کێشە لە بەڕێوەبردنی هەڵبژاردنەکانە کە یەکێک لە بنەماکانی دیمۆکراسییە.
باسی لەوەش کرد، نوێنەرەکانی ئەمریکا بەشدارن لە چاودێری بەسەر بەڕێوەبەردنی هەڵبژاردنەکانی پەرلەمانی هەرێم ، بە هەماهەنگی ڕێکخراوی نەتەوەیەکگرتووەکان و کۆمیسیۆنی سەربەخۆی هەڵبژاردنەکانی عێراق.