به‌رپرسانی سوپای ئیسرائیل ئاشكرای ده‌كه‌ن كه له‌گه‌ڵ حه‌سه‌ن نه‌سروڵا، فه‌رمانده‌یه‌كی باڵای فه‌یله‌قی قودسی سوپای پاسدانی ئێرانیش له‌لوبنان كوژراوه.
ئاوێنه: ماڵپه‌ڕی "ئه‌كسیۆس" له‌زاری چه‌ند به‌رپرسێكی سوپای ئیسرائیله‌وه بڵاویكردۆته‌وه كه عه‌باس نیلفۆرۆشان، فه‌رمانده‌ی فه‌یله‌قی سوپای پاسدران له‌لوبنان له‌گه‌ڵ حه‌سه‌ن نه‌سروڵا، ئه‌منیدری گشتی حیزبوڵا كوژراوه.
ڕۆژی 27ـی 9ـی 2024، سوپای ئیسرائیل باره‌گای سه‌ره‌كی حیزبوڵای لوبنانی لەبەیروتی پایتەختی لوبنان بۆردومانکرد، دوای بۆردومانەکە ده‌ركه‌وت جگه کوژرانی حەسەن نەسروڵا چه‌ند فه‌رمانده‌یه‌كی باڵای سه‌ربازی حیزبوڵاش كوژراون.
دوای بۆردومانه‌كه‌ی سوپای ئیسرائیل، ئاژانسی ته‌سنیمی ئێرانی بڵاویكرده‌وه كه ئیسماعیل قائانی، فه‌رمانده گشتی فه‌یله‌قی قودسی سوپای پاسدان سه‌لامه‌ته‌و له‌شوێنێكی پارێزراودایه.
به‌پێی هه‌واڵه‌كه‌ی ئاژانسی ته‌سنیم، پێده‌چێت قائانی-یش له‌گه‌ڵ حه‌سه‌ن نه‌سروڵاو فه‌رمانده‌كانی دیكه‌ی فه‌یله‌قی قودس‌و حیزبوڵادا به‌شداری له‌كۆبونه‌وه‌كه‌ی به‌یروتدا كردبێت.