دوای ئەوەی ئەمڕۆ شەممە، كوژرانی حەسەن نەسروڵا، ئەمینداری گشتی حزبوڵای لوبنان راگەیەندرا، ئاژانسی رۆیتەرز بڵاویكردەوە، لە رێوشوێنێكی ئەمنی تونددا، عەلی خامەنەیی، رێبەری باڵای شۆڕشی ئێران بۆ شوێنێكی پارێزراو لەناوخۆی ئێران گواستراوەتەوە.
ئاوێنە: ئاژانسی رۆیتەرز، ئەمڕۆ شەممە، لە زاری دو سەرچاوەی ئاگاداری ناوچەكەوە بڵاویكردۆتەوە، لە تارانەوە زانیارییان پێدراوە كە ئایەتوڵا عەلی خامەنەیی، رێبەری باڵای شۆڕشی ئیسلامی ئێران لە رێوشوێنێكی ئەمنی تونددا، بۆ شوێنێكی پارێزراو لەناوخۆی ئێران گواستراوەتەوە.
دو سەرچاوەكە وتویانە، ئێران لە پەیوەندی بەردەوامدایە لەگەڵ حزبوڵای لوبنانی و گروپەكانی دیكەی لایەنگری لەناوچەكە بۆ دیاریكردنی هەنگاوی داهاتویان، ئەوەش لەدوای ئەوەی ئەمڕۆ ئیسرائیل كوژرانی حەسەن نەسروڵا، ئەمینداری گشتی حزبوڵای لوبنانی راگەیاند.