سەرۆک کۆماری ئێران ئامادەیی وڵاتەکەی بۆ هەڵدانەوەی لاپەڕەیەکی نوێ لە پەیوەندییە سیاسییەکان دەربڕی.
ئاوێنه: لە میانەی وتارێکیدا لە کۆبوونەوەی گشتی نەتەوەیەکگرتووەکان، مەسعود پزیشکیان سەرۆک کۆماری ئێران رایگەیاند: ئێمە ئامادەین بۆ چوونە ناو سەردەمێکی نوێ و لاپەڕەیەکی نوێ لە پەیوەندییە سیاسییەکان هەڵبدەینەوه، بەڵام مەرجی سەرەکیمان رێزگرتن و هەڵگرتنی گەمارۆکانی سەر ئێرانە.
ئێران هەرگیز دەستپێشخەر نەبووە بۆ هیچ شەڕێک، من سەرۆکی وڵاتێکم کە چەندینجار رووبەڕووی شەڕ بووەتەوە و هیچ لایەنێکیش هاوکاری نەکردووین بەڵکو بە هانای دەستدرێژیکارانەوە چوون.
کۆماری ئیسلامی ئێران خوازیاری ئاشتی هەمیشەییە بۆ روسیا و ئۆکرانیا و پشتیوانی هەر رێگەچارەیەکی ئاشتییانە دەکات بۆ ئەو پرسە.
ئەو خەڵکە ئازادیخواز و ئازایانەی کە لە رۆژهەڵات و رۆژئاوا ناڕەزایەتی دژی جینۆسایدەکان دەردەبڕن پێیان دەڵێن دژە جولەکە، بەو گەلەی کە لە دەوای حەوت دەیە دژی داگیرکاری و دەستدرێژی راپەڕینەوە دەوترێت تیرۆرست.
رژێمی ئیسرائیل لە غەززە شکستیهێناوە و بە فراوانکردنی شەڕ بۆ لوبنان ناتوانێت شکستەکانی بشارێتەوە.