ژنی زیندانی سیاسیی و ئاینیی لە زیندانی ئەوینی ئێران لە دژی زۆربوونی سزای لەسێدارەن لەمشەوەوە مانگرتنی لە خواردن دەستپێدەکەن.
ئاوێنە: ئاژانسی هەواڵی نوژنها، سەبارەت بە مانگرتنی ٤٧ ژنی زیندانی ئەوینی ئێران بەم شێوەیە زانیاریی خستووەتەڕوو.
بەپێی هەواڵەکەی ئاژانسەکە ڕایگەیاند، دوێنێ، ٤٧ ژنی سیاسیی و ئەو ژنانەی بە هۆی باوەڕی ئاینییانەوە، کە لە زیندانی ئەوینی ئێران زیندانی کراون مانگرتن لە خواردن دەست پێدەکەن.
ژنانی زیندانییکراو ڕایانگەیاندووە، لە دژی زۆربوونی سزای لەسێدارەدان لە کاتژمێر ١٠ـی ئەمشەوەوە دەست بە مانگرتن دەکەن تا ١٠ـی شەوی ٢٥ـی ئەیلوول.
مانگرتنی زیندانیان هاوکاتە لەگەڵ پێشکەش کردنی وتارێکی مەسعود پزیشکیان، سەرۆک کۆماری ئێران لە ٧٩یەمین کۆبوونەوەی گشتیی نەتەوەیەکگرتووەکان، کە ڕایگەیاندبوو، ناوخۆی ئێران بەوشێوەیە نییە کە ڕاگەیاندنەکان باسی دەکەن.