لەئەنجامی بۆمبارانی ئیسرائیل بۆ سەر لوبنان، تائێستا 492 کەس کوژراون، کە 35یان منداڵ‌و 58شیان ئافرەت بون، میدیاى عێراقی ده‌ڵێت:"هاوڵاتییەکی عێراقیش لەناو کوژراوەکاندایە".
ئاوێنه: میدیای عێراقی بڵاویکردەوە، "لەئەنجامی بۆمبارانی ئیسرائیلییەکان بۆ سەر باشوری لوبنان، هاوڵاتییەکی عێراقی کوژراوه".
وەزارەتی تەندروستی لوبنان ڕایگەیاند، لەئەنجامی بۆمبارانی ئیسرائیل بۆ سەر لوبنان، 492 کەس کوژراون، کە 35ـیان منداڵ‌و 58شیان ئافرەت بوون، هەروەها هەزارو 645 کەسیش لەو هێرشانەدا برینداربونە.
ڕۆژی دوشەممە، 23ـی ئەیلوولی 2024، ئیسرائیل بەچڕی هێرشیکردەسەر لوبنان، فڕۆکەکانی ئیسرائیل زیاتر لە 200 هێرشیان بۆ سەر شارۆچکەکانی باشور کردو بۆ یەکەمجاریش بۆردومانەکە جگە لەشاری جبەیل، ناوچەی بیقاعیشى گرتەوە.