پۆلیسی تورکیا، هەڵیانکوتایە سەر ماڵی ڕۆژنامەنووس و پەیامنێری ئاژانسی ژننیوز، ڕابیعە ئونڤەر و دەستیان بەسەر کەلوپەلە ڕۆژنامەوانییەکانیدا گرت.
ئاوێنه: ئێوارەی ئەمڕۆ لە گەڕەکی کشلای گەڤەری سەر بە جۆلەمێرگ، پۆلیسی تورکیا، هەڵیانکوتایە سەر ماڵی ڕۆژنامەنووس و پەیامنێری ئاژانسی ژننیوز، ڕابیعە ئونڤەر.
بەگوێرەی زانیارییەکان لەلایەن داواکاری گشتی جۆلەمێرگەوە بڕیاری پشکنینی ماڵی ڕۆژنامەنووس و پەیامنێری ئاژانسی ژننیوز، ڕابیعە ئونڤەر دەرکراوە، هەروەها بڕیاری دەستبەسەرداگرتنی کەلوپەلە ڕۆژنامەوانییەکانی دراوە، بەڵام پۆلیس هەڵیانکوتاوەتەسەر ماڵەکەی و چەند کاتژمێرێک ماڵەکەیان پشکنیوە بەڵام هیچ شتێکیان نەبردووە.
هۆکاری ئەم مامەڵەیەی پۆلیس لە دژی ڕۆژنامەنووس و پەیامنێری ئاژانسی ژننیوز، ڕابیعە ئونڤەر، ئامادەکردنی بابەتێکی بنکۆڵکاری ڕۆژنامەوانییە، بە ناونیشانی “لە جۆلەمێرگ شەڕی تایبەت”، لەبارەی تاوانی چەتەکان و بازرگانیکردن بە ماددە هۆشبەرەکانەوە.