هەسەدە رایگەیاند، بەرەبەیانی ئەمڕۆ هەینی، هێزەكانی سوپای رژێمی سوریا بۆردومانی دو گوندیان لە سنوری پارێزگاری دێرەزور كردوەو بەهۆیەوە 11 هاوڵاتی مەدەنی كە زۆرینەیان ژن و منداڵن كوژراون و پێنج هاوڵاتی دیكەش برینداربون.

ئاوێنە: ناوەندی راگەیاندنی هێزەكانی سوریای دیموكرات-هەسەدە، لە راگەیەندراوێكدا وتی، سەعات 2:30 خولەكی بەرەبەیانی ئەمڕۆ هێزەكانی رژێمی سوریا بە تۆپ و موشەك بۆردومانی هەردو گوندی "جدیدە بەكارە و دەحلە"یان كردوە.

ئاماژەی بەوەشداوە، لە ئەنجامی بۆردومانەكەدا 11 هاوڵاتی مەدەنی كوژراون كە زۆربەیان ژن و منداڵن.

هەسەدە بۆردومانەكانی بە "كۆمەڵكوژی" ناوبردوەو وتوشیەتی، سەرجەم موشەك و تۆپەكان بەر ماڵانی هاوڵاتیانی مەدەنی كەوتون.

بەپێی راگەیەندراوەكەی هەسەدە، ناو و تەمەنی كوژراوەكان بەمشێوەیەیە:

رەهەف ئیسماعیل عەبود، 12 ساڵ

نادیە خزر محەمەد، 18 ساڵ

هیند فەرحان عەبود، 30 ساڵ

ئایە ئیسماعیل عەبود، 8 ساڵ

نادین عوبەید، 22 ساڵ

یاسر یاسین زەعر، 37 ساڵ

ماریا یاسین زەعر، 12 ساڵ

سەلوا یاسر زەعر، 5 ساڵ

رەغد محەمەد زەغیر، 22 ساڵ

شام بەشار زەغیر، 4 مانگ

ئیلاف بەشار زەغیر، یەك ساڵ و نیو

ناوی بریندارەكانیش بەمشێوەیەیە:

عەلی حەسەن زامن، 12 ساڵ

مەلیك عەبود حسین، 25 ساڵ

سوریە عەبو، 50 ساڵ

فەهد ئیسماعیل عەبود، 15 ساڵ

مەلیك ئیسماعیل عەبود، 6 ساڵ