حەماس "یەحیا سینوار"ی وەك جێگرەوەی هەنـیە دیاریكرد
  2024-08-06       798       
یەحیا سینوار

بزوتنەوەی حەماسی فەلەستینی رایگەیاند، یەحیا سینوار، سەركردەی بزوتنەوەكەیان لە غەززە، وەك سەرۆكی مەكتەبی سیاسی حەماس دیاریكرا، ئەوەش لەدوای كوژرانی ئیسماعیل هەنیە لە هەفتەی رابردو لە تاران.

ئاوێنە: بزوتنەوەی حەماسی فەلەستینی، ئەمشەو سێشەممە، لە راگەیەندراوێكدا وتی، "یەحیا سینوار" وەك جێگرەوەی ئیسماعیل هەنیە بە سەرۆكی مەكتەبی سیاسی بزوتنەوەی حەماس دیاریكرا.

رۆژی شەممەی رابردو بزوتنەوەی حەماس رایگەیاندبو كە دەستیان بە راوێژی بەرفراوان كردوە بۆ دیاریكردنی سەرۆكێكی نوێ بۆ مەكتەبی سیاسی بزوتنەوەكەیان ئەوەش لەدوای كوژرانی ئیسماعیل هەنیە لە هەفتەی رابردو لە تاران.

بەپێی كەناڵی "ئەی بی سی نیوز"ی ئەمریكی، یەحیا سینوار، تەمەن 61 ساڵ، لەناوە یەكەمەكانی ئەو لیستەیە كە ئیسرائیل دەیەوێت پێیان بگات و 400 هەزار دۆلاری وەك خەڵات داناوە بۆ كوشتنی سینوار.

زۆرترین بینراو
© 2025 Awene Online, Inc. All Rights Reserved.
×