تۆڕی هەواڵیی سی ئێن ئێنی ئەمریکی لە زاری بەرپرسێکی باڵای سەربازی ئیسرائیلەوە بڵاوی کردەوە، لە ئێستادا ئامادە نین هیچ لێدوانێک لەبارەی کوژرانی ئیسماعیل هەنیە بدەین، هەروەها، میدیاکانی ئیسرائیلیش دەڵێن، بنیامین ناتانیاهۆی سەرۆک وەزیرانی ئەو وڵاتە، سەرجەم بەرپرس و وەزیرەکانی ئاگادار کردووەتەوە کە هیچ لێدوانێک لەبارەی ئەو رووداوەوە نەدەن.
تۆڕی هەواڵیی سی ئێن ئێنى ئەمریکى لە زاری بەرپرسێکی باڵای سەربازی ئیسرائیلەوە بڵاوی کردەوە، سوپای وڵاتەکەمان هیچ روونکردنەوە و لێدوانێک لەسەر کوژرانی ئیسماعیل هەنیە سەرۆکی مەکتەبی سیاسی حەماس بۆ میدیاکان نادات.
هەروەها، میدیاکانی ئیسرائیلیش دەڵێن، بنیامین ناتانیاهۆی سەرۆک وەزیرانی وڵاتەکەمان، سەرجەم بەرپرس و وەزیرەکانی ئاگادار کردووەتەوە، کە هیچ لێدوانێک لەبارەی کوژرانى ئیسماعیل هەنیە نەدەن.
ئەوەش لەکاتێکدایە، بەیانى ئەمڕۆ، حەماس بڵاوى کردەوە، ئیسماعیل هەنیەی سەرۆکی مەکتەبی سیاسیی بزوتنەوەکەیان لە تارانی پایتەختی ئێران کوژراوە.
جێگاى ئاماژەیە، ئیسماعیل هەنیەی سەرۆکی مەکتەبی سیاسیی حەماس، بە مەبەستی بەشداریکردن لە مەراسیمى دەستبەکاربوونی مەسعود پزیشکیانی سەرۆکى ئێران سەردانی ئەو وڵاتەی کردبوو.