چەند میدیایەکی ئەمەریکی ئاشکرایانکرد، واشنتۆن زانیاریی هەواڵگری بەدەستهێناوە سەبارەت بەوەی کە تاران پلانی تیرۆرکردنی ترەمپی هەبووە.
عەلی بەحرینی نوێنەری ئێران لە رێکخراوی نەتەوەیەکگرتووەکان رایگەیاند: سەرجەم ئەو تۆمەتانەی لەبارەی هەوڵی تیرۆرکردنی ترەمپەوە ئاڕاستەی تاران دەکرێن، بێ بنەمان.
سەرەتا تۆڕی CNN و دواتریش CBS لە زاری چەند بەرپرسێکی ئەمەریکاوە ئاماژەیان بە هەبوونی پلانی ئێران بۆ تیرۆرکردنی ترەمپ کردبوو.
بەرپرسەکانی ئەمەریکا رەتیانکردووەتەوە کە هیچ بەڵگەیەک لەبەردەستدا بێت و باسی هەبوونی پەیوەندی بکات لەنێوان تۆماس ماتیۆ ئەو کەسەی هەوڵی تیرۆرکردنی ترەمپی دا، لەگەڵ تاران.
لە روانگەی تارانەوە ترەمپ تاوانبارە و دەبێت دادگایی بکرێت و سزا بدرێت لەسەر فەرمانی کوشتنی قاسم سولەیمانی فەرماندەی ھێزی قودسی سوپای پاسدارانی کۆماری ئیسلامیی ئێران.