2019-05-20 2606
لەناو عەلوەی سلێمانیدا دەست بەسەر برێكی زۆر خورمای عیراقیدا گیرا كە دوای پاكردنەوەی خۆڵ‌و تۆزەكەی خراوەتە ناو قاپی پلاستیكەوە و هیچ ناوێكی لەسەر نییە و بەپێی پشكنینەكان شیاوی خواردن نییە.
ئاوێنە، راگەیاندنی قایمقامیەتی سلێمانی: بە پێی راپۆرتی لیژنە هاوبەشەكانی قائیمقامیەتی سلێمانی چەند رۆژیك پێش ئیستا لیژنەی عەلوە لەناو عەلوەی سلێمانی دەستی بەسەر ئەو خورمایەدا گرت كە بڕەكەی (2)تۆن و (750) كیلۆ گرامە و نمونەی نێردراوە بۆ خۆپاراستنی تەندروستی سلێمانی و دەركەوتووە شیاوی خواردن نییە، لەسەر داوای خاوەنەكەیشی دووبارە نێردراوەتەوە بۆ پشكنین، بەهەمان شێوە دەركەوتووە شیاوی خواردن نییە و زیانی تەندروستی هەیە. دواتریش بە بڕیاری لیژنە هاوبەشەكان و لەلایەن لیژنەی لەناوبردنەوە لە ناوچەی تانجەرۆ لەناوبراوە.
لیژنەی عەلوە یەكێكە لە لیژنە هاوبەشەكانی قائیمقامیەتی سلێمانی و بەردەوام چاودێری ئەو خۆراك و سەوزە و میوانە دەكات كە دەهێنرێنە ناو عەلوەی سلێمانی و بە بازاڕەكاندا بڵاو دەكرێنەوە. هەر خۆراكێك گومانیان لێكرد كە شیاوی خواردن نیە، دوای رێگرتن لە فرۆشتنی، پشكنینی بۆ دەكرێت و بەپێی ئەنجامی پشكنینەكە مامەڵەی لەگەڵدا دەكەن.