حكومه‌تی هه‌رێم بڕیاره‌كه‌ی عێراق بۆ داخستنی ته‌له‌گرام جێبه‌جێ ده‌كات
  2026-11-22     

وه‌زاره‌تی گواستنه‌وه‌و گه‌یاندنی هه‌رێم، ئه‌مڕۆ یه‌كشه‌ممه‌، نوسراوی حكومه‌تی عێراقی بۆ داخستنی ته‌له‌گرام ئاڕاسته‌ی سه‌رجه‌م كۆمپانیاكانی خزمه‌تگوزاری ئینته‌رنێت له‌ هه‌رێم كرد.

ئاوێنه‌: وه‌زاره‌تی گواستنه‌وه‌و گه‌یاندنی هه‌رێم، ئێواره‌ی ئه‌مڕۆ یه‌كشه‌ممه‌، له‌ راگه‌یه‌ندراوێكدا وتی، ئاگاداری هاونیشتیمانیان دەکەینەوە کەوا لە رێگای نوێنەرایەتی حکومەتی هەرێم لە بەغدا، نوسراوێکی فەرمی حکومەتی عیراقی فیدراڵمان سەبارەت بە راگرتنی پلاتفۆڕمی ته‌له‌گرام بە دەست گەیشت.

وتوشیه‌تی، لە نوسراوەکەدا رونکراوەتەوە کە ئەم بڕیارە بە راگرتنی کاتی پلاتفۆرمەکەیە، بەهۆی بڵاوکردنەوەی بابەتی نایاسایی کە هەڕەشەن دژ بە ئاسایشی نیشتیمانی و ئاشتەوایی کۆمەڵایەتی و بڵاوکردنەوەی گوتاری توندوتیژی و رق و کینە.

ئه‌وه‌شی خستۆته‌ڕو، بڕیاری ئاماژەپێدراوی حکومەتی عیراقی فیدراڵ دەرفەتی داوە بەو کۆمپانیایەی پلاتفۆڕمەکە بەڕێوەدەبات کە لەماوەی 30 رۆژدا پابەندی یاسا و رێنماییەکانی حکومەتی بن.

هێمای بۆ ئه‌وه‌ش كردوه‌، بۆیه‌ وەزارەتی گواستنەوە و گەیاندنی حکومەتی هەرێم ئەمڕۆ بە نوسراوێکی تایبەت داواکاری حکومەتی فیدڕاڵی ئاراستەی گشت کۆمپانیاکانی خزمەتگوزاری ئینتەرنێت کرد بەتایبەت ئەوانەی کە مۆڵەت پێدراوی وەزارەتمانن لە هەرێمی کوردستان، کە بە پێی یاسا لە پێناو بەرژەوەندی گشتی رێكاری پێویست ئەنجام بدەن.


 

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×