بزوتنەوەی گۆڕان - کوردسات، لە ئۆفیسی سلێمانی کۆمسیۆنی باڵای سەربەخۆی هەڵبژاردنەکانی عێراق دەڵێت، بزوتنەوەی گۆڕان لە رۆژی (10/4/2025) کۆنفڕانسی نیشتیمانی دەبەستێت و لەوبارەیەوە ئەمڕۆ نوسراوی فەرمی کۆمسیۆنمان بەدەست گەیشت.

ئاوێنە: رۆڤان سەروەت، رێپێدراوی بزوتنەوەی گۆڕان لە ئۆفیسی سلێمانی کۆمسیۆنی باڵای سەربەخۆی هەڵبژاردنەکان بە میدیای حیزبەکەی راگەیاند؛ ئەمڕۆ هەینی لەژێر راسپاردەی بڕیاری سەرۆکی کۆمسیۆنی باڵای سەربەخۆی هەڵبژاردنەکانی عێراق و پاڵپشت بە نوسراوی فەرمانگەی پارت و رێکخراوە سیاسییەکان ژمارە (875)، لە رێککەوتی (27/3/2025)، بە فەرمی ئاگادار کراینەوە بۆ بەستنی کۆنفڕانسی نیشتمانی بزوتنەوەی گۆڕان لە رۆژی پێنجشەممە (10/4/2025).

دەشڵێت:"وەکو بزوتنەوەی گۆڕان هەمو ئامادەکارییەکانمان تەواو کردوە بۆ ئەوەی لەژێر ڕاسپاردە و ڕێنماییەکانی فەرمانگەی پارت و رێکخراوە سیاسییەکانی کۆمسیۆنی باڵای سەربەخۆی هەڵبژاردنەکان و ئۆفیسی پارێزگای سلێمانی کۆمسیۆن لەو رۆژەدا کۆنفڕانس ببەستین".

ئەوە لەکاتێکدایە بزوتنەوەی گۆڕان باڵی گردی  زەرگەتەش بڕیارە کونفڕانس ببەستن.