سوپای پاسدارانی ئێران رایگەیاند، ئەمڕۆ دوشەممە، دەستیان بەسەر دو كەشتی سوتەمەنیهەڵگری بیانی لە ئاوەكانی كەنداودا گرت كە سوتەمەنی قاچاخیان هەڵگرتبو.
ئاوێنە: بەپێی راگەیەندراوێكی پەیوەندییە گشتییەكانی ناوچەی دەریایی دوی سوپای پاسدارانی ئێران، دو كەشتییەكە بەناوەكانی "ستار یەك" و "ڤینتگ"، 25 كامەندیان لەسەربوەو زیاتر لە سێ ملیۆن لیتر سوتەمەنی قاچاخیان لە جۆری كازوایل پێبوە.
ئاماژە بەوەشدراوە، دوای دەستبەسەرداگرتنیان دو كەشتییەك بەرەو بەندرە نەوتییەكانی بوشەهر گواستراونەتەوە بەمەبەستی دەستبەسەرداگرتن و خاڵیكردنی بارەكەیان.