سۆران عومەر، ئەندامی پەرلەمانی عێراق رایگەیاند، وەزارەتی دارایی هەرێم ملیارو ملیۆن لێک جیا ناکاتەوەو راستكردنەوەی هەڵەی نەزانیی ملیارو ملیۆنەكەی وەزارەتی دارایی هەرێم 11 ڕۆژی پێچوە.
ئاوێنە: ئەو پەرلەمانتارە لە راگەیەندراوێكدا وتویەتی، "وەزارەتی دارایی هەرێم لە 28/11/2024، بەنوسراو داوای 430 ملیار دینار دەکات بەخشتەی هاوپێچی وردەکاریی داوای 430 ملیۆن دینار دەکات."
سۆران عومەر ئەوەشی خستۆتەڕو"بەداخەوە ڕاستکردنەوەی ئەم هەڵەیەی وەزارەتی دارایی هەرێم 11 ڕۆژی ویستوە، حەق وایە کەسێک ئەو نوسراوانەی دارایی بنوسێ لەحسابات و ژمارە شارەزا بێت، ناکرێ ملیۆن و ملیار جیا نەکەنەوە."
ئاماژەی بەوەشداوە "ئەمە یەکەم هەڵە نییە، میزان موراجەعە مانگانەی هەرێم کە ناردویەتی بۆ بەغدا هەڵەی زۆری تێدایە، جگە لەوە ناردنی نوسراوی داهاتی ناوخۆ بۆ دو مانگ 950 ملیارە دواتر وتیان بەهەڵە ناردومانە!"