جەمیل هەورامی، سەرۆکی کۆمەڵەی پێشمەرگە دێرینەکان لە کۆنگرەیەکی ڕۆژنامەوانیدا ڕایگەیاند، دەسەڵاتی هەرێمی کوردستان حکومڕانییەکی ڕاست و دروستی نەکردووە و ئەوەی دەیکات ستەمە و بێباکە لە نەبوونی و برسێتی خەڵک.
ئاوێنە: ئەوەشی خستەڕوو کە حکومەتی هەرێم دەتوانێت بە داهاتی ناوخۆ و ئەو پارەیەی بەغدا ناردوویەتی مووچە دابەش بکەن.
وتیشی: لە زاخۆوە تا کەلار پێشمەرگەی دێرینمان هەیە و ١٠ لقمان لە هەرێم هەیە، هۆشداری دەدەینە حکومەت ئەگەر لە ئایندەیەکی نزیکدا کێشەی بژێوی هاووڵاتییان چارەسەر نەکات، لە سەرتاسەری کوردستاندا دەچینە سەر فەرمانگەکانیان…بۆ ئەوەی ئەم حکومەتە یان خۆی چاک بکات یان لایبەین.