بەهۆی دۆخی کەشوهەوا و هەبونی تەمەوە، 11 گەشتی فڕۆکەخانەی نێودەوڵەتیی هەولێر دواخران.
ئاوێنە: سەرچاوەیەک لە فڕۆکەخانەی نێودەوڵەتیی هەولێر، ئەمڕۆ هەینی بە روداوی وت: "گەشتەکان بەهۆی دۆخی کەشوهەواوە دواخراون و هەڵنەوەشاونەتەوە".
گەشتەکانی هاتن بۆ هەولێر کە کاتەکانیان دواخراوە ئەمانەن: عەممان – هەولێر. دۆحە – هەولێر و سێ گەشتی ئیستانبوڵ – هەولێر.
هەروەها ئەو گەشتانەی دەبو لە هەولێرەوە بکرێن و دواخراون ئەمانەن: سێ گەشتی هەولێر – ئیستەنبووڵ. هەولێر – شاریقە. هەولێر – عەممان. هەولێر – دۆحە.
بەگوێرەی فڕۆکەخانەی هەولێر، بڕیارە سەعات 10:00ـی سەرلە بەیانی ئەو فڕۆکانەی گەشتەکانیان دواخراوە گەشت بکەن، "ئەگەر دۆخی کەشوهەوا گۆڕانی بەسەردا نەیەت".
هاوکات بە هۆکاری جیا، گەشتێکی ئیستەنبووڵ - هەولێر و گەشتێکی سلێمانی عەممان هەڵوەشاونەتەوە.