سبەینێ چوارشەممە، ئەنجومەنی وەزیرانی هەرێمی کوردستان بەسەرپەرشتی مەسرور بارزانی سەرۆک وەزیران لەسەر پرسەکانی مووچە، سەرژمێریی دانیشتوان و چەند بابەتێکی دیکە دەکۆدەبێتەوە.
ئاوێنە: میدیای پارتی بڕگەکانی کۆبونەوەی سبەی ئەنجومەنی وەزیرانی بڵاوکردەوە:
بڕگەی یەكەم: بریتییە پرسی سێ مووچەی کۆتایی ئەمساڵ و کێشە و گرفتەکانی بەردەم خەرجکردنی لە بەغدا و چارەسەرەکان.
بڕگەی دووەم: بریتییە لە خستنەڕووی ڕاپۆرتێک لەلایەن وەزیری پلاندانان سەبارەت بە بەڕێوەچوونی قۆناغی یەکەمی سەرژمێریی گشتیی دانیشتووان بە سەركەوتوویی لە عێراق و هەرێمی كوردستان لە ڕۆژانی 20 و 21-11-2024 و قۆناغ و هەنگاوەكانی دیكەی پرۆسەكە.
بڕگەی سێیەم: لەلایەن وەزارەتی شارەوانی و گەشتوگوزارەوە پڕۆژە بڕیارێكی پێشنیازكراو سەبارەت بە پاژەكردن (پێدان بە قیست)ی ئەو بڕە پارەیەی كەلە زیادەڕۆكار وەردەگیرێت كە خانووی نیشتەجێی بە زێدەڕۆیی لە سنوری شارەوانییەكان دروستكردووە.