هەپەگە رایگەیاند، لە دو رۆژی رابردودا لە چەند چالاكییەكی هێزەكانی گەریلادا لە ناوچەی رۆژئاوای زاپ لە باشوری كوردستان، پێنج سەربازی توركیا كوژراون و حەفارەیەكیش تێكشكێندراوە.
ئاوێنە: ناوەندی راگەیاندن و چاپەمەنی هێزەكانی پاراستنی گەل-هەپەگە، ئەمڕۆ پێنجشەممە، لە راگەیەندراوێكدا وتی، رۆژی 8ی مانگ لە چالاكییەكی گەریلادا لە ناوچەی رۆژئاوای زاپ، بە نیشانەشكێن سەربازێكی توركیا كوژراوە.
بەگوێرەی راگەیەندراوەكە، هەمان رۆژ و لە هەمان ناوچە لە چالاكییەكی دیكەی گەریلادا سەربازێكی دیكەی توركیا كوژراوە و هاوكات لە چالاكییەكی دیكەدا حەفارەك لەكاتێكدا خەریكی دروستكردنی رێگەی سەربازی بوە لە هەمان ناوچە تێكشكێندراوە.
هەپەگە ئاماژەی بەوەشداوە، دوێنێ 9ی ئۆكتۆبەر هەر لە ناوچەی رۆژئاوای زاپ لە دو چالاكی دیكەی توركیادا سێ سەربازی توركیا كوژراون.