فەرماندەیی هێزەكانی سنوری عێراق رایگەیاند، 22 بنكەی سەربازیی نوێیان لەسەر سنوری نێوان عێراق و توركیا لە سنوری پارێزگای دهۆك كردونەتەوە.
ئاوێنە: فەرماندەیی هێزەكانی سنوری عێراق ئەمڕۆ چوارشەممە، لە راگەیەندراوێكدا وتی، محەمەد عەبدولوەهاب، فەرماندەی هێزەكانی سنور، سەردانی لیوای یەكی هێزەكانی لە سنوری پارێزگای دهۆك كردوە.
ئەوەشی خستۆتەڕو، فەرماندەكەیان لە پەراوێزی سەردانەكەیدا 22 بنكەی سەربازی نوێی لەسەر سنور لەگەڵ توركیا كردونەتەوە.
ئاماژەی بەوەشداوە، بنكە سەربازییە نوێیەكان دەكەونە چەند ناوچەیەكی سەخت و یەكەم جارە لەو ناوچە سنورییانەی عێراق لەگەڵ توركیا، بنكەی سەربازی دەكرێتەوە.