شاخەوا عەبدوڵا، جێگری سه‌رۆكی په‌رله‌مانی عێراق رایگەیاند، هه‌مو ئه‌و كێشانه‌ی له‌سەر پرسی موچه له نێوان هه‌ردو حكوومه‌تی فیدراڵ و هه‌رێمی كوردستاندا هه‌بون، چارەسەر كراون. دەشڵێت، لەچەند رۆژی داهاتودا موچه‌ی مانگی ئه‌یلول دابه‌ش ده‌كرێت.
ئاوێنە: شاخه‌وان عه‌بدوڵا، جێگری سه‌رۆكی په‌رله‌مانی عێراق، ئەمڕۆ دوشەممە، بە میدیای پارتی راگەیاند: په‌یوه‌ندی و تێگه‌شتنێكی باش له‌نێوان محه‌ممه‌د شیاع سودانی، سه‌رۆك وه‌زیرانی عێراق و مه‌سرور بارزانی، سه‌رۆك وه‌زیرانی هه‌رێمی كوردستان له ئارادایه.
جەختیشی كردەوە كە هه‌مو ئه‌و كێشانه‌ی له‌سەر پرسی موچه له نێوان هه‌ردو حكومه‌تی فیدراڵ و هه‌رێمی كوردستاندا هه‌بون، چارەسەر كراون.
بەقسەی جێگری سه‌رۆكی په‌رله‌مانی عێراق، موچه‌ی مانگی ئه‌یلولی موچەخۆرانی هەرێم له چه‌ند ڕۆژی داهاتودا دابه‌ش ده‌كرێت.